Feira Artezenato

Iha Sabado 20 de Junho 2009 produtor artezenatus no vendador sira sei hatudu sira nia produtu iha Premeira Feira Artezenato in Tasi Ninin (Beach Craft Fair) iha Maubara, Distritu Liquica. Feira ida ne’e organiza husi USAID nia projeto ho naran Dezenvolve Setor Privadu ho kooperasaun ho Ministerio do Turismo, Komercio no Industria no mos Koperasaun Portuguesa Mos Bele. Feira ida ne’e sei participa mos Ministro TCI, Sr. Gil Alves; Ambasador EUA, Sr. Hans Klemm, Ambasador Portuguesa, Sr. Ramos Pintu no mos Diretor USAID, Sr. Mark White.

Feira Artezenato iha Tasi ninin ne’e hanesan oportunidade informal ida atu lori hamutuk vendadores artezenatos no kompra dor sira iha fatin rileks ida nebe do’ok ou ses husi kapital Dili. Evento ida ne’e target liu ba ema  iha Timor Leste sira nebe buka produtu artezentos uniko atu usa iha sira nia uma, familia no kolega sira; no mos ba sira nebe maka iha interese atu sai husi Dili iha loron ne’e. Ida ne’e serve mos hanesan aportunidade ida ba ema internasional sira nebe mak servisu iha nasaun ne’e atu aprende liu tan kona ba qualidade no diversidade husi produtu-produtu Timor oan nian. Feira ida ne’e mos sei kria oportunidade atu fo enkorazen hodi hasa’e gastus ba produtu-produtu artezenatos no  turismo Timor nian. Suporta ba sira nebe maka fa’an iha lokal neba no ajuda inan feton no mane maluk sira nebe mak hala’o negocio ki’ik nebe kontribui direitamente atu  hasa’e rendemento uma laran nian.

Produtu-produtu artezenato sira hanesan tais tradisional, ukiran-ukiran husi ai, boneka, pintura, no produtu seluk-seluk tan sei ha neba atu fa’an. Iha mos produtu sira nebe mak mai husi grupu produtor sira nebe mak hanaran an Timor Product Network, sasan sira nebe mak sira sei fa’an iha neba mak hanesan; sabaun husi mina nu’u, kafe, mina nu’u virgen no  meja no kadeira husi ai no au. Membro husi Network ne’e hetan tiha ona pakote nebe mak qualidade no bele demosntra sira ninia konsistensia ba produtu-produtu nebe mak qualidade as.

Ba komunidade sira nebe mak iha interese no hakarak ba participa maibe la iha transporte, bele mai iha Palacio do Governu nia oin iha Dili. Transporte hanesan Microlet sira sei para iha neba atu tula sira neba hakarak ba participa ho preso $1.00 kada diresaun kada ema. Microlet sira ne’e sei sai husi Dili ba Maubara kada oras, husi tuku 9.00 am to’o 1:00 pm. No microlet sira sei komesa fila husi Maubara 1:30 pm no microlet fila ikus liu mak to’o tuku 4:30 pm. Tamba kadeira microlet nian limitado, sebele hola karcis seidu. 

Jornalista sira nebe iha interese kona ivento ida ne’e bele mai participa mos. Atu hetan kadeira Microlet nian bele kontakto Rui Carvalho, hanesan Marketing and Promotions Specialist, liu husi email TimorBeachFair@gmail.com ouThis e-mail address is being protected from spambots. You need JavaScript enabled to view it ouou telemovel +670 723 0321.